يا سعود

العقد الفريد الكويتيه · 09-05-2008, 12:50 AM

ياسعود لاتنشد عن الحال ياسعود=مابه جديدٍ ياعضيدي اقوله
الحال دوم ابنقص ما يمّها زود=والحظ نوّخ ياالسنافي ذلوله
اجامل الاصحاب و القلب ملهود=والجرح في عوج المحاني اعوله
منهو سألني قلت انا سهود ومهود=اخاف لاتشمت قلوبٍ غلوله !!
ياسعود حالي من عناء الوقت مضهود=والعين صارت من كراها ملوله
ياوجد حالي وجد من عاش مفرود=اعلن قصاصه وصار موعد حلوله
ولاغريقٍ عايش ايامه السود =عينه تشوف الجال وعيا يطوله !
من واقعٍ خلا الامل فيّ مفقود=شيّب عيوني من زمان الطفوله !
ماهو غرام احباب وفراق وصدود=الا زمانٍ اتعبتني حموله
اشوف بعض الناس ماتوفي عهود=قولٍ على الفاضي بليا فعوله!
واشوف ناسٍ لاحكت دبلة اكبود=تظهر فضايحها بحكيٍ تقوله
واشوف منهم حطو الشعر منقود=وقالو بأنه محتكر للرجوله!
اقوال نسمعها لها الف مقصود=ماتصدر الا من عقول مهبوله!!
شعر المره من ماضي الوقت موجود=مافيه منهو ينكره بالسهوله
فان كان قافي ماغدا كنّه النود ؟=يبري جروحً بالحنايا علوله؟
والبسّه من هاجسي عقد منضود =وجزالته منها عيونٍ ذهوله!
يحرم علي ولد المناعير والجود=ان كان ماأسّسّت فالشعر دوله!!

البدر · 09-06-2008, 04:37 AM

يحرم على ولد المناعير والجود\\
ان كان مااسست فالشعر دوله

روووووووعه
وعسااااااج على القوه
تحياتى لج

البدر

IِîِIعشآآنـٍ_ٍـكٍٍIِîِI · 09-06-2008, 10:34 PM

ياوجد حالي وجد من عاش مفرود=اعلن قصاصه وصار موعد حلوله
ولاغريقٍ عايش ايامه السود =عينه تشوف الجال وعيا يطوله !

صح السانك ولسان شاعرها

وحرام القصيده هذي بالخواطر

اتمنى تنقل الى قسم همس القوافي

ماقصرتي

ابيك · 09-10-2008, 02:08 PM

ياسلام صح لسانج
اختى

وقصيده رووعه
وفعلا احسن بيت
قاله اخوى البدر

تحيه للكل
ابيك

strawberry · 09-20-2008, 10:29 AM

صح الله لسانج اختي ولا هنتي ...

قصيده روووعه ... بكل ماتحمله من معنى ...

تقبلي مرور اختج : strawberry

همسة احساس · 10-07-2008, 05:38 AM

صح لسانج اختي ولا هنتي

وبيض الله وجهج وعساج على القوه